Premye Minis Kanadyen an fè deklarasyon fò nan Mezon Blanch.

Pandan yon vizit ofisyèl nan Mezon Blanch, Premye Minis Kanadyen an, Mark J. Carney, fè yon deklarasyon ki klè: "Kanada p ap janm vann." Deklarasyon sa a fèt pandan yon chita pale ak Prezidan Ameriken Donald Trump.

Prezidan Trump, ki te pwopoze lide pou Kanada vin 51yèm eta nan Etazini, te reponn ak yon souri: "Pa janm di 'jamè'." Li te ajoute ke li konsidere Kanada kòm yon "bèl acha" nan domèn imobilye, pandan li fè rekonèt  sa mande konsantman tou de (2) pati yo.

Malgre diferans opinyon yo sou kesyon souverènte, de (2) lidè yo dakò pou kontinye dyalòg sou relasyon ekonomik ak sekirite ant de (2) peyi vwazen sila yo.