Vizit anbasadè Espay la nan baz MMSS la.

Pandan yon vizit ofisyèl jodi 17 jiyè 2025 lan nan baz Misyon Miltinasyonal Sipò ak Sekirite an Ayiti (MMSS), anbasadè Espay la, Marco Peñín, reyafime angajman peyi li pou estabilize Ayiti. Li te rankontre ak kòmandan G. Otunge pou diskite sou avansman misyon an ak defi sekirite ki kontinye ravaje peyi a. Anbasadè a te ofri bibliyotèk baz la liv an panyòl ak materyèl edikatif, kòm yon jès pou soutni fòmasyon entèlektyèl sòlda yo.

Anplis sa, Espay voye de (2) ajan espesyalize, youn nan Guardia Civil ak lòt la nan Policía Nacional Española, pou sèvi nan biwo Mèkànis Miltilateral Sipò Sekirite (MMAS) ki baze nan Washington.  Espay mande pou gen pi bon kòdinasyon ant aktè entènasyonal yo pou amelyore efikasite entèvansyon yo.

#esansyèl

#aktyalite

#konektem

#toutkotenenpotkilè