Plizyè ajan ULCC debake nan Ministè Jènès, Espò ak Aksyon Sivik pou yon ankèt sou move jesyon.

Plizyè Ajan Unité de Lutte Contre la Corruption (ULCC) te debake nan lokal Ministè Jènès, Espò ak Aksyon Sivik, ki sou wout Frè. Operasyon sa a, ki te dire plizyè èdtan, antre nan kad yon ankèt ki louvri sou move jesyon epi  koripsyon nan tèt ministè sila.

Daprè enfòmasyon ki sòti nan òganizasyon Ensemble Contre la Corruption, rapò yo mete nan limyè zak magouy ki t a enplike Minis Niola Lynn Sarah DEVALIS OCTAVIUS. Jiska prezan, ni ministè a,  ni ULCC poko bay okenn deklarasyon ofisyèl sou entèvansyon sa a ki souke opinyon piblik la.

#esansyèl

#aktyalite

#konektem

#toutkotenenpotkilè