Dr. Bertrand Sinal reprezante Ayiti nan reyinyon preparatwa 78yèm Asanble Mondyal Lasante nan Genève (Suisse).

Doktè Bertrand Sinal, Minis Sante Piblik ak Popilasyon (MSPP) Ayiti, patisipe lendi 19 me 2025 nan yon reyinyon preparatwa pou chèf delegasyon rejyon Amerik la, anvan ouvèti ofisyèl 78yèm Asanble Mondyal Lasante (AMS) ki ap dewoule soti 19 pou rive 27 me 2025 nan Jenèv, Swis.

Reyinyon sa a, ki te òganize anba prezidans 61yèm Konsèy Direktè Òganizasyon Panamerikèn pou Lasante (OPS), diskite sou plizyè sijè kle pou rejyon an, tankou ranpli pòs enpòtan pandan Asanble a, defini priyorite sante pou peyi Amerik yo, ak kowòdinasyon delegasyon yo.

Tèm jeneral Asanble OMS lan se “Yon sèl mond pou sante”. Blòk diskisyon yo ap mete aksan sou yon akò entènasyonal pou prevansyon ak jesyon pandemi, ansanm ak plan bidjè OMS pou ane 2026-2027.

Patisipasyon Ayiti nan rankont sa a demontre angajman peyi a pou kontinye travay kole kole ak lòt peyi, ranfòse sistèm sante li, sipòte pwogram prevansyon maladi, epi kontribye nan efò mondyal pou jere kriz sante.

#esansyèl

#sante

#konektem

#toutkotenenpotkilè