Prezidan Kenya a mande pou UA rekonèt Ayiti kòm yon rejyon Afrikèn.

Prezidan Kenya a, William Ruto, lanse apèl bay Inyon Afriken (UA) pou li rekonèt Ayiti kòm sizyèm rejyon kontinan Afriken an. Li fè demann sa a pandan 38yèm Asanble Òdinè òganizasyon rejyonal la nan peyi Etyopi.

Nan yon kominike, pòtpawòl Mezon Blanch lan, Hussein Mohammed, presize Ruto swete UA adopte yon deklarasyon solidarite ak Ayiti. Li mete aksan sou nesesite pou kontinye soutni misyon sekirite Kenya ap dirije nan Karayib la.

Malgre deplwaman fòs kenyan yo, popilasyon ayisyèn nan kontinye fristre fas ak jan delegasyon Kenyen yo ap rale pye nan batay kont gang yo. Ruto, pandan l ap pale itilize mo "soutni", t a sanble ap chèche ogmante enfliyans Kenya sou Ayiti, ki toujou bloke nan kriz l ap viv la.