Gouvènman an pran mezi pou asire referandòm ak eleksyon yo fèt nan bon kondisyon.

Premye minis Alix Didier Fils-Aimé dirije yon konsèy gouvènman nan Primati Nan dat jedi 22 me 2025 pou diskite sou avansman referandòm konstitisyonèl la ansanm ak òganizasyon pwochen eleksyon yo. Rankont sa a fèt nan kad efò gouvènman tranzisyon an pou ranfòse demokrasi ak retabli estabilite politik nan peyi a.

Selon sous ofisyèl yo, prensipal objektif konsèy la se asire ke tout etap ki nesesè yo byen planifye e kowòdone pou garanti yon pwosesis elektoral transparan, enkli referandòm pou aksepte nouvo konstitisyon an. Gouvènman an mete aksan sou patisipasyon lajè popilasyon an, pwoteksyon dwa elektè yo, epi yon bon jan kolaborasyon avèk Konsèy Elektoral Pwovizwa (KEP).

Premye minis Fils-Aimé raple angajman gouvènman an pou l travay avèk tout aktè nasyonal ak entènasyonal pou asire siksè pwosesis demokratik yo.

#esansyèl

#politik

#konektem

#toutkotenenpotkilè