Diparisyon zam ak bal nan Kolonbi.

Aprè anons Prezidan Kolonbi a, Gustavo Petro sou disparisyon zam, milye bal, plizyè milye eksplozif tankou grenad, ansanm ak kèk misil nan baz militè yo nan Kolòm. Anons sila leve yon seri preokipasyon sou sekirite rejyon an.

Previzyon prezidan kolonbi a sou ki posib destinasyon minitif sa mete anpil kè sote. Zam yo ka fini nan men gwoup ame an Kolonbi ki ka ogmante vyolans nan zòn nan, oswa vann sou mache nwa entènasyonal la, ou byen an Ayiti.

Si zam yo volè yo vini nan men gang yo an Ayiti, sa ka gen konsekans katastwofik sou estabilite peyi a. Se yon obligasyon pou otorite ayisyèn ak kolonbyèn yo travay ansanm pou jwenn zam yo ki volè yo epi anpeche yo sèvi nan anfonse peyi pi plis nan vyolans lan.