Yonyon chèf gang 400 Mawozo a kondane pou pase 35 lane nan prizon.

Germine Joly, alyas « Yonyon », chèf gang « 400 Mawozo », kondane pou pase 35 lane nan prizon federal Ozetazini pou konplo trafik zam ak blanchi lajan ak kidaping resòtisan ameriken. Enfòmasyon sa a soti nan jounal Miami Herald.

Malgre agiman avoka Joly yo pou yon santans ki pa depase 17 lane, pandan li plede koupab pou 48 akizasyon, pwokirè federal yo te mande pou li kondane pou pase tou rès lavi l nan prizon. Yo te mete aksan sou aktivite kriminèl li yo, tankou achte plizyè zam ak kominikasyon li te genyen ak konplis li yo nan Florid atravè WhatsApp. Jij Distrik Ameriken John D. Bates finalman kondane Joly ak yon santans 35 lane prizon.

Joly alyas Yonyon gen yon lòt pwosè ki pwograme pou 18 fevriye 2025 konsènan akizasyon ki gen rapò ak kidnapin 17 misyonè ameriken yo.