Yon gwo dife ravaje yon pati nan mache santral Gonayiv.

Nan lannuit lendi 3 jen pou rive madi 4 jen 2024, yon dife sakaje yon pati nan mache santral Gonayiv la, sitou nan zòn nò mache a.

Otorite yo poko konnen kòz dife a, men evènman sa a lakòz machann yo pèdi anpil materyèl.

San prezans ponpye, moun nan vil la pran inisyativ pou etenn dife a. Gras a entèvansyon rapid yo, yo te rive limite domaj yo. Erezman, pa gen okenn moun ki mouri.