SPNH-17 Anonse Yon manifestasyon Pou Lendi 24 Fevriye a.

Sendika Polis Nasyonal Ayiti a anonse y ap gen pou òganize yon manifestasyon pasifik pou denonse fenomèn ensekirite a. Mouvman sila a ap fèt jou k ap lendi 24 fevriye 2025 lan, douvan "Villa D'Accueil", dapre responsab SPNH-17 yo. Garry Jean-Baptiste, youn nan responsab yo, te fè yon ti bat-bouch nan emisyon RANMASE, kote li te tanmen envite tout ajan PNH yo pou vin patisipe.

Pandan entèvansyon li an, li fè konnen l kondane nivo tolerans ak iresponsablite otorite Ayisyèn yo, ki pa janm pran bon jan mezi konkrè pou kwape fenomèn ensekirite k ap layite kò l nan Kat (4) kwen Peyi a.