Sant Lopital Inivèsite OFATMA finalman inogire nan Pòdepè.

Konstui epi abandone pandan plizyè ane, finalman Sant Lopital Inivèsite OFATMA ki nan Pòdepè inogire lendi 13 me 2024 la.

Etablisman sante sa a gen kapasite pou l kenbe 120 kabann. Pou inogirasyon sant lopital la responsab yo te òganize yon jounen pòt ouvè pou pèmèt abitan depatman Nòdwès la benefisye mòso laswenyay gratis.

Direktè jeneral sant lan, Dr Carl François fè konnen lopital la ap bezwen plizyè milyon goud pou yo ka peye profesyonèl sante yo ak jere administrasyon an nan lide pou ofri yon bon jan sèvis ak tout moun Pòdepè ki pa ka tann ankò.