PNCS ak BRANA siyen yon akò k ap favorize elèv lekòl piblik yo jwenn 2 Malta H chak semèn.

Pwogram Nasyonal Kantin Lekòl (PNCS) ansanm ak Brasserie Nationale d’Haïti (BRANA) siyen yon akò pou lanse yon pwojè pilòt kote yo pral distribye bwason Malta H nan kèk lekòl piblik atravè peyi a.

Dapre akò sa, pandan yon mwa, 10 000 elèv ap resevwa 2 Malta H chak semèn, kòm yon mwayen pou amelyore nitrisyon lekòl yo epi soutni pwodiksyon nasyonal la.

Se yon inisyativ, dapre yo, ki kapab make yon chanjman nan jan Leta ap jere alimantasyon timoun lekòl yo. PNCS deja anonse volonte li pou l elaji pwogram nan pou rive nan tout elèv lekòl piblik yo nan ane k ap vini yo.