Nan peyi Almay, aksyon Antisemit yo monte an flèch aprè atak Hamas la 7 oktòb 2023 la.

Felix Klein, ki se komisè gouvènman ki responsab lit kont antisemitis nan peyi Almay la, eksprime enkyetid li kont yon monte an flèch layèn pou juif ak Izrayèl nan peyi Almay. Lapolis Alman nan lane 2023 anrejistre 500 aksyon antisemitis mwatye ladan yo vin aprè atak òganizasyon Hamas la te fè sou Izrayèl nan jounen samdi ki te 7 oktòb 2023 a. Felix Klein kalifye monte an fòs sa kòm yon sinami nan yon antrevi li bay AFP.

Peyi Almay pran lit antisemit la trè oserye epi kondane aksyon sa yo ak anpil rigè nan objektif pou pa pwodui erè pase yo. N ap raple nan peryòd dezyèm gè mondyal la Nazi yo nan peyi Almay te touye anviwon 6 milyon juif.