Nan entèval 45 jou sèlman, Repiblik Dominikèn Depòte plis pase 55 700 Konpatriyòt Ayisyen.

Depi kòmansman mwa oktòb la, otorite Peyi Repiblik dominikèn yo te anonse desizyon pou depòte 11 000 ayisyen chak sèmèn. Soti premye oktòb pou rive 15 Novanm, se anviwon 55 723 konpatriyòt Ayisyen otorite nan peyi sila a pouse do mete deyò.

Malgre plizyè vwa nan sektè Moun k ap defann dwa Moun yo te leve pou kondane desizyon sila. Otorite dominikèn yo pa janm fè bak douvan desizyon sila. Seri ekspilsyon yo bay yo, pou kore desizyon enjis sila a, pa makonnen ak dwa Moun sitou dwa migran yo. Seri depòtasyon sa yo se anvlimen l ap anvlimen abse sou klou kriz Imanitè sa a, k ap vale teren sou ti bout tè Desalin nan.