MENFP Reyini ak Direktè Lekòl Piblik yo pou Diskite sou Amelyorasyon pou Ane Lekol 2024-2025.

Minis Edikasyon Nasyonal, Augustin Antoine, ansanm ak direktè jeneral ministè a, Yves Roblin, te fè yon konferans mèkredi 4 septanm 2024 la ak plis pase yon santèn direktè lekòl ak lise nasyonal nan zòn metwopolitèn nan. Rankont sa a te fèt pou diskite sou jefò gouvènman an ap kontinye fè pou amelyore fonksyònman lekòl piblik yo pandan ane lekòl 2024-2025.

Pandan reyinyon an, minis Antoine ak direktè jeneral Roblin te pale sou plizyè pwen enpòtan, tankou retou lekòl yo nan lokal istorik yo, mezi ki pran pou bay lekòl yo pi bon kondisyon pou fonksyone ak materyèl de kalite, epi nesesite pou defann dwa fondamantal chak timoun pou ale lekòl.

Jean-Robert Dossaint, direktè kabinè minis la, direktè depatman edikasyon Lwès la, Etienne Louisseul France, ak youn nan adjwen li yo, Frantz Jean, te patisipe tou nan rankont sa a ak responsab lekòl piblik yo pou mete aksan sou angajman MENFP pou amelyore kondisyon ansèyman an Ayiti.