Mario Andrésol nonmen Sekretè Deta pou Sekirite Piblik

Ansyen Direktè Jeneral Polis Nasyonal  Ayiti (PNH) la, Mario Andrésol,fè yon retou sou sèn sekirite piblik la. Dapre enfòmasyon Radio Télé Métronome, li nonmen kòm Sekretè Deta pou Sekirite Piblik. Daprè sous yo, arete ki konfime nominasyon li an deja rive nan laprès pou piblikasyon, epi enstalasyon li nan pòs la prevwa fèt Lendi k ap vini.

Pouvwa enterimè a, atravè chwa Andrésol, ap chèche pran yon pozisyon ki pi estrik nan lit kont ensekirite ak gang ki mete peyi a anba gwo presyon. Yon sous nan Konsèy Prezidansyèl Tranzisyon an (CPT) fè konnen  nominasyon sa a reprezante yon estrateji pou fè fas ak menas kont lapè piblik la.