Lopital Jeneral tonbe anba flam dife bandi, jodi jedi 13 fevriye a.

Lopital Jeneral pa sispann viktim anba zak kriminèl bandi k ap feraye nan kapital la. Aprèmidi jedi 13 fevriye a, pou moman tèks la pibliye a,  Lopital Jeneral twouve l anba gwo flam dife.

Lopital Inivèsitè Leta Dayiti (HUEH) se pami pi gwo enfrastrikti sanitè Leta genyen. Men Depi kèk tan, lopital sila pa t ka fonksyone akoz sitiyasyon ensekirite malouk kapital la ap konnen. 24 desanm ane pase, kowalisyon Viv Ansanm te mennen yon atak ki te lakoz lanmò de (2) jounalis ki t ap prepare pou kouvri ouvèti Lopital la. Finalman peyi ap konstate pi gwo Lopital piblik, ki menm konsidere pami pi gwo Lopital Karayib la, k ap boule anba gwo flanm dife kriminèl.