Lionel Messi jwe dènye match li ak mayo Ajantin nan sou teritwa Peyi natal li.

Lionel Messi fè dènye aparisyon li nan peyi Ajantin ak seleksyon nasyonal la, nan yon match kalifikasyon "Coupe du monde 2026", kont Venezyela (3-0). Nan estad El Monumental la, foul la leve kanpe pou salye zetwal la, ki make 2 gòl pou selebre dènye fwa l ap jwe lakay li.

Depi nan dènye rechofman l sou teren an, emosyon an te fò. Messi te parèt ak dlo nan je, li chante im nasyonal la ak twa pitit gason l yo, pandan piblik la t ap aplodi  l san rete. “Fini konsa, se yon rèv mwen te toujou genyen,” se deklarasyon li apre match la.

Nan 194 match li ak Ajantin, Messi make 114 gòl ak 61 pas desizif. Avèk Albiceleste la, li ranmase tout gwo tit yo: "Coupe du monde", Copa America, Finalissima, Mondyal U20 ak yon meday annò Olenpik. Yon eritaj ki pap janm efase nan foutbòl.

#esansyèl

#espò

#konektem

#toutkotenenpotkilè