Kettia Jean Pierre, manm gwoup Mystère Divin an, devanse nou ayè mèkredi 11 desanm nan.

Kettia Jean Pierre mouri ayè mèkredi 11 desanm an, dapre konfimasyon mari defent lan, ak youn nan responsab gwoup Mystère Divin an. Kettia se manm gwoup Mystère Divin, sa gen depi anviwon 2 lane, li gen vwa l sou dènye album «Afiche w» la.

Jèn atis sila te soti nan lane 2021 yon mizik ki pote non « Mwen p ap echwe»,  epi pase plizyè gwoup ak koral nan milye evanjelik la tankou Zion ak Agape Theou. Pou kounya pèson poko an mezi pou di egzakteman rezon lanmò a.

Konekte M voye senpati l bay mari l, fanmi l, zanmi l ak gwoup Mystère Divin ki frape ak nouvèl lanmò sibit sila. Nou rete kwè Kettia Jean Pierre al nan bra Mèt li.