Gè Izrayèl kont Hamas: Izrayèl menase elimine nouvo responsab politik Hamas la Yahya Sinouar.

Ayè madi 6 dawout la, òganizasyon Hamas la chwazi Yahya Sinouar pou ranplase Ismaïl Haniyeh, ki te asasinen nan Teyeran kapital politik peyi Iran, nan dat 31 jiyè pase a. Yon dezinyasyon ki fè lame Izrayèl la reyaji byen vit epi menase pou elimine nouvo chèf Hamas la. Izrayèl akize Yahya Sinouar t a fè pati sèvo ki t a planifye atak mouvman palestinyen Hamas la kont Izrayèl, nan dat ki te 7 oktòb pase a, ki te lakòz plis pase 200 juif pèdi lavi yo.

Jodi mèkredi a deja fè 10 mwa depi Izrayèl pa sispann bonbade Palestin sitou nan band Gaza a. 39.677 moun deja pèdi lavi yo daprè Ministè Sante Hamas la epi gè sila a lakòz Palestin tonbe nan yon kriz imanitè san parèy.