Gwo vag vyolans kontinye frape Ti Rivyè Latibonit.

Jodi Lendi 28 avril 2025 lan, nan maten, komin Ti Rivyè Latibonit sibi yon nouvo atak vyolan kote gang ame sòti Savyen pou anvayi plizyè katye, tankou Haut Fourneau, Haut Canal ak Katòzyèm. Gwo kout bal ki pa t sispann frape, mete popilasyon an nan panik epi lage yo de (2) men sou tèt.

Daprè kèk abitan, asayan yo boule kay, piye biznis, epi ap eseye pran kontwòl kèk zòn estratejik nan komin nan. Sitiyasyon pa sispann mangonmen, pandan popilasyon an  ap chèche kouri pou sove lavi yo.