Frè Luckson zòn pa fè moun soti vivan nan bouch lanmò.

Frè Luckson, responsab fondasyon zòn pa fè moun nan, anonse sou paj fezbouk li, li manke mouri nan yon aksidan. Parapò ak imaj yo, nou kapab konstate machin fondasyon an pran gwo chòk.

Lè n konsidere enfòmasyon k ap sikile sou entènèt la, aksidan sila rive fèt ayè lendi 24 fevriye a, nan lannuit, nan mòn Belotès pandan li t ap sot jwe pòdepè.

Frè Luckson anonse, sou paj fezbouk li, y ap gen pou pote plis enfòmasyon parapò ak bilan aksidan sila a.