Fanmi Jean Dramane Simon jwenn kò l san vi anfas CONATEL la, anba lavil.

Jean Dramane Simon ki se yon kad nan ministè kondisyon fanm tonbe anba bal moun yo pa rive idantifye. Fanmi l pat rive jwenn li depi yè dimanch 8 septanm nan. Finalman se kadav Simon yo jwenn yè lendi 9 septanm lan anba lavil la anfas CONATEL la.

Yon trajedi ki lage fanmi , zanmi l nan gwo lapèn. Jean Dramane Simon se etidyan nan Inivèsite Leta l ap etidye anmenm tan nan Etnoloji ak FDSE. Pou yon fwa ankò machin ensekirite a kontinye ap voye ayisyen parèy nou nan peyi san chapo, yon pitit peyi a fòme ki te ka itil li.