Emmanuel Vertilaire menase demisyonnen si pa gen aksyon konkrè kont ensekirite a.

Konseye Prezidan Emmanuel Vertilaire lanse yon avètisman sevè bay kòlèg li yo, nan Konsèy Prezidansyèl Transisyon an. Li menase pou l bay demisyon li si pa gen mezi konkrè ki pran pou konbat ensekirite k ap ravaje popilasyon an. Se Moïse Jean-Charles ki te rapòte deklarasyon sa yo pandan yon entèvyou telefòn li te bay sou Magik9, jodi lendi 28 avril 2025 lan.

Dapre sa Moïse Jean-Charles esplike, Vertilaire pa kache deranjman l fas ak mank aksyn kòlèg li yo, sitou nouvo Kòdonatè Konsèy la, Fritz Alphonse Jean. Emmanuel Vertilaire, ki se yon moun ki pratike lalwa, te klè nan pozisyon li: « M ap demisyonnen si anyen pa fèt », li te deklare, pandan li mete aksan sou gravite sitiyasyon an epi nesesite pou gen repons rapid kont vag ensekirite a.