Donald Trump bat bravo aprè demisyon PM Justin Trudeau epi kontinye manifeste dezi pou Kanada tounen yon Eta ameriken.

Prezidan eli Donald Trump aplodi demisyon premye minis kanadyen Justin Trudeau pandan li kontinye manifeste anvi li genyen pou fè peyi Kanada tounen yon Eta ameriken. Trump ekri sou kont Truth Social : « Nan peyi Kadana anpil moun t ap kontan si peyi yo  ta tounen 51èm Eta peyi Etazini an».

Yon dezi ki kreye anpil polemik nan sosyete kanadyèn nan. Deklarasyon sila kontinye leve plim sou do militan k ap defann grandèt (souveraineté) peyi Kadana a.