DCPJ mete "Avis de recherche" dèyè Nenel Cassy ak Alfredo Antoine.

DCPJ mete "Avis de recherche" dèyè ansyen palmantè Nenel Cassy ak Alfredo Antoine, kòm kwa yo t a nan konfyolo avèk gang ame yo, k ap simen latwoublay sitou nan kapital peyi a. Anons sila fèt pandan yon konferans pou laprès, jodi madi  18 fevriye a, nan zòn klèsin.

Pandan popilasyon an rete de (2) men balanse, ap kouri anba zak malfra yo, san vrèman konnen yon kote pezib yo ka ale, yon lòt kote, non anpil aktè politik ap klewonnen kòm kwa yo enplike nan founi bandi yo sipò lojistik ak finanse pou rann kapital la enstab. Popilasyon an, parapò ak ankèt sila ki vize kwape politisyen kowonpi sila yo, rete enpasyan pou viv yon demen miyò nan yon peyi san enpinite.