#blockout2024, yon achtag ki vize plizyè selebrite ki pa pran pozisyon pou Gaza.

Aprè MetGala 2024 plizyè milyon entènot lanse kanpay nimerik #blockout2024 pou denonse plizyè selebrite mondyal ki pa sèvi ak enfliyans yo pou mande yon trèv nan gè Izrayèl ap mennen kont pèp palestinyen an.

Plis pase 100 selebrite nan mond lan konsène pa kanpay sa a tankou: Beyoncé ,Justin Bieber, Kim Kadashian, Drake. Patisipan mouvman deklare kanpay la pa lanse pou atake okenn selebrite oubyen pou fè yo wont men se pito chwa endividyèl yo genyen kòm konsomatè.

Nan dènye jou sa plizyè mouvman ap miltiplye nan mond lan pou mande Izrayèl sispann ak gè a pou anpil pro palestinyen yo kalifye gè de jenosid. Malgre tout sa Leta Ebre a pa antann fè back menm aprè lanmò plis pase 34 000 moun.