Baro Pòtoprens ap òganize dezyèm edisyon Fwa Liv, Gastronomi ak Kilti yo.

Baro Pòtoprens anonse reyalizasyon dezyèm edisyon aktivite fwa yo a k ap gen pou fèt jou k ap vandredi 23 dawout 2024 la, soti 9è nan maten pou 4è nan lapremidi, nan otèl Oasis, Petyonvil. Evènman sa a gen pou objektif onore avoka pou kontribisyon yo nan literati ak ranfòse lyen nan mitan pwofesyonèl sila yo.

Twa envite donè yo ap prezan: Me Philippe Junior Volmar, ki pral prezante Diksyonè Dwa Travay; Me Camille Fièvre, ki ap dirije prezantasyon La Cour de Cassation dans tous ses états an onè Bâtonnier Justin O. Fièvre; ak duo Me Price Cyprien ak Nathalie Wakam Cyprien ki pral prezante Diksyonè Jiridik Kreyòl.

Baro a envite tout avoka ki enterese pou ekspoze travay yo kontakte sekretarya a pou plis enfòmasyon. Evènman sa a ofri yon opòtinite inik pou pwofesyonèl yo ak piblik la kapab eksplore literati jiridik ak kilti ayisyen.