Anviwon yon dizèn abitan komin Ti Rivyè Latibonit tonbe anba bal kriminèl baz Gran grif, ayè madi 10 desanm nan.

Nan lannuit madi 10 pou louvri mèkredi 11 desanm nan, bandi ak zam k ap opere nan  baz Gran Grif yo asasinen anviwon yon dizèn moun nan komin Ti Rivyè Latibonit epi kidnape plizyè lòt.

Yon zak kriminèl ki gwosi chif moun ki viktim nan fenomèn ensekirite k ap feraye nan peyi a. N ap raple, fòs lòd yo nan kòmansman semèn nan te anonse yo reprann kontwòl komisarya Lyankou ak Ti Rivyè Latibonit la. Men sa pa anpeche plizyè sitwayen nan zòn sa ap kite lakay yo.