Anpil benefisyè ak Esponnsò tanmen jwenn imèl yo pa konfime nan pwogram Biden nan.

Depi wikenn ki sot pase a, anpil moun yo te aplike pou yo nan pwogram Biden nan,  tanmen jwenn imèl ki reponn ak aplikasyon yo te fè pou yo a. Avèk yon repons ki fè yo konnen yo pa Konfime, menm moun ki te gentan jwenn imèl konfimasyon deja, men k t ap tann yon otorizasyon vwayaj, oswa sila ki te gen otorizasyon men k potko vwayaje yo, jwenn menm repons lan.

Akoz repons "Pa konfime" sila yo, anpil benefisyè ki te gen lespwa jwenn yon repons favorab, frape anba gwo desizyon sa. Pandan pou anpil lòt, opòtinite sila te reprezante yon gwo pòt pou mennen yo sou wout yon lavi miyò.