Anbasad Lafrans reprann sèvis konsilè li an Ayiti.

Soti lendi 5 me 2025, Anbasad Lafrans an Ayiti ap relouvri sèvis konsilè li yo. Malgre li toujou lokalize sou ri Kapwa, resepsyon ak sèvis piblik yo ap fèt tanporèman nan lokal Delegasyon Inyon Ewopeyèn nan, ki chita Petyonvil.

Sitwayen yo oblije pran randevou sou entènèt anvan yo prezante tèt yo pou nenpòt demach konsilè. Desizyon sa a montre yon jefò pou relanse sèvis diplomatik fransè yo an Ayiti, malgre ensekirite a kontinye domine kapital la.

Relansman sa a pote soulajman pou plizyè moun k ap tann sèvis viza, paspò oswa lòt asistans konsilè. Se yon siy ki montre kèk misyon etranjè ap eseye retabli prezans yo nan peyi a.